Xa queda menos para o reparto de apertas convocado este sábado no Obelisco ás 19h. A verdade é que a expectación creada é moito maior do que esperabamos, e sería estupendo que toda ista espectación se traducise en que milleiros de persoas participarán da acción jejeje (xa será menos).

En calquera caso é evidente que hai moita xente con gañas de facer cousas, saír da rutina de sempre, romper os convencionalismos sociais e culturais, coñecer xente interesante, divertirse, … Todo isto e moito máis é o que faremos este sábado, soa atractivo ¿non? Pois se é así, non quedes na casa mirando o frío pola fiestra, baixa para dar e recibir calor humano, ese que é tan imprescindible e do que moitas veces carecemos.

Se es tímid@ tampouco te botes atrás, baixa a curiosear, e decataraste que os que estamos alí non somos extraterrestres, nin membros de ningunha seta alucinóxena, nin tampouco somos iso que estás pensando (non sei o que é pero seguro que é moi moi malo).

Non olvides levar unha pancarta, cartel, folio, … no que poña “Apertas Gratis”, “Abrazos Gratis”, “Apertas de balde”, “Free Hugs”, … o que millor che pareza.

¡¡¡ Vémonos !!!